(Te reo Māori) Setting our Direction for improving freshwater in Tāmaki Makaurau / Auckland
Me mātua tae mai ngā whakahokinga kōrero ā te 4 o Tihema 2023, i mua rānei.
E whiriwhiri ana mātou i ngā mea me panoni e mātou kia noho ai ko te hauora o te wai māori hei mātāmua.
Nā ō whakahokinga kōrero mātou i āwhina i tērā tau ki te whakawhanake i tētahi matawhānui, i ngā uara hoki, e pai ake ai te whakahaerehia o ō tātou wai māori i Tāmaki Makaurau mā te Tauākī mō te Kaupapa Here ā-Motu e Pā ana ki te Whakahaeretanga o te Wai Māori (NPS-FM).
Kua pīrangi mātou ki te hoki ki a koutou kia mōhio ai mātou ki te tika rānei o tō mātou ahunga.
Ko te NPS-FM tētahi kaupapa here nā te kāwanatanga hei ārahi i te āhua o te whakahaerehia o te wai māori huri noa i Aotearoa, i ō tātou awa, i ngā roma, i ngā roto, i ngā repo, i ngā mātāwainuku (wainuku) me ngā puna. Ka whai wāhi hoki ko te āhua o tā te wai māori pā ki ngā wai o te takutai, ā, ka whai whakaaro hoki ki ngā pānga mai o te huringa o te āhuarangi.
Ka rarangatia ngā hua o tēnei rauna whakahokinga kōrero ki te marohitanga o Te Panonitanga ā-Mahere mō Te Mahere ā-Wae ki Tāmaki Makaurau (AUP), e tukuna ana ā tērā tau.
Hei tautoko i tēnei pāhekohekotanga, kua whakaritea e mātou ko:
- Te Whakarite i tō Tātou Ahunga (Setting Our Direction) – he tuhinga ā-whiriwhiringa kōrero
- Tētahi tirohanga mō te whiriwhiringa kōrero e pā ana ki te wai māori e whai taipitopito ana mō te rohe
- Tētahi paemana mō te hanga me te ia e pā ana ki te te ora o ō tātou wāhi wai.
E akiaki ana mātou i a koe kia pānui i te ara e marohitia nei kia whāia, i ngā pārongo taunaki hoki, i mua i tō whakautu i ngā pātai e whai ake nei. The proposed approach [PDF 36MB]
Ka puritia, ka tiakina hoki e Te Kaunihera o Tāmaki Makaurau ngā pārongo whaiaro ka whakaurua e koe ki te puka nei, e ai rā ki tā mātou kaupapa here mō te tūmataiti (e wātea ana ki Privacy Policy, ki ō tātou whare pukapuka hoki me ngā pokapū ratonga), tae atu hoki ki te Privacy Act 1993. E whakamārama ana te kaupapa here mō te tūmataiti i te ara e whakamahi ai pea, e tuku ai hoki pea mātou i ō pārongo whaiaro e pā ana ki ō pāhekohekotanga katoa ki te kaunihera, i te ara hoki e toro ai koe ki aua pārongo, e whakatika ai hoki koe i aua pārongo. Me taunga koe ki tēnei kaupapa here i mua i tō tāpae mai i tēnei puka.
For more information, see Is my privacy protected?