CLOSED: This survey has concluded.

(Samoan) Faatupeina o le toe faaleleia ma tapenaga ia mafai ona tali atu i lologa i Aukilani.

E tatau ona faaoo mai fautuaga a’o lei aulia le aso 24 o Setema 2023

O tulaga louloua o le tau i le masina o Ianuari ma Fepuari 2023 na matua faaleagaina ai le siosiomaga o le faitau afe o tagata taitoatasi i vaega atoa o Tamaki Makaurau/ Aukilani. O lologa ma eleele solo na faaleagaina ai le afe o fale o aiga ma fuli fao ai le tele o le soifua o tagata. O tulaga taua e moomia vave mo le soifua faapea maota ua matua manaomia ia vave ona faaleleia. E aofia ai auala tetele, auala laupapa, faatanoa vai ma fale tetele mo le atunuu lautele.

I le mavae ai o le fitu masina, o le toatele o tagata Aukilani na aafia o latou fale, o loo fesaga’i pea ma lu’itau o le le mautinoa o le lumanai. E manaomia tatou te lagolagosua i ai latou nei i Aukilani, ia toe faaleleia lo tatou tulaga, ina ia sili atu sa latou tapenaga e tali atu ai i uiga louloua e tula’i mai i suiga o le tau.

I le galulue faatasi ai ma le faiga malo tutotonu; Ua faamautu mai nei e le Puleganuu a Aukilani se fesoasoani tau tupe o le a mafai ai e tagata i lea vaega o le atunuu ona aga’i i luma i se tulaga vave ma le mautinoa.

O le tu’ufaatasiga ua faatuina mai o le a faaopopo ai le tupe e faaaluina mo Aukilani i le sili atu ma le tasi le piliona, o se toe faatulagana fou lea o mea e ave i ai le faamuamua a le malo tu totonu i lona faatupeina. I lalo o lenei fuafuaga e pei ona faatu mai, o le a totogi ai e le malo tu totonu le lima sefulu pasene o fale pe a ma le 700, o i latou e ofo mai ia faatauina o latou fale ona ua le o toe saogalemu e nonofo ai ona e tele le avanoa e toe tula’I mai ai lologa ma eleeele solo i le lumanai. O le a faapea foi ona aumaia lo latou sao e tusa ma le $380 miliona o le tau o tulaga e ao ina toe faaleleia, ina ia faaitiitia ai mea e leaga mai le mata’utia o faalavelave faale-natura faapea ma le $309 miliona e faamoemoe e toe faaleleia ai auala tele ma auala laupapa lea na faaleagaina e le afa.

O le sao o le Puleganuu a Aukilani i lenei fesoasoani e pei ona faailoa mai e tusa ma le $908 miliona.

O le toe faaleleia o Aukilani mai tulaga ogaoga o le tau i le amataga o le 2023 e moomia ai se fesoasoani tau tupe tele, e aofia ai pe leai foi ma le faatupeina e le malo tu totonu.

Pe afai ae o tatou talia lenei fesoasoani tau tupe;

O le a tatou maua mai le malo tu totonu le faatupeina e vave faagaioi ai a tatou taumafaiga ia faaleleia lo tatou tali atu i tulaga ogaoga o le tau.
O le a tatou mafai nei loa ona faatino galuega faaleleia lea e fuafua e oo atu i le sefulu tausaga e fai ai.
E mafai ona ofo atu se faatulagana agai i luma mo i latou e ana fale o i le vaega 3 .
Tatou te manaomia e saili se tupe maua faaopopo e tusa ma le seleni ua ta’utino mai e le Pulega.

Pe afai tatou te le talia lenei fesoasoani tau tupe:

O le a tatou le maua le tupe ua faatulaga mai, mai le malo tu totonu, e ui ina mafai lava ona tatou faatali le maua mai o se vaega o le faatupeina o fela’uai’ga i le auala masani, e mafai foi ona tatou talosaga i le Fuafuaga Lautele a le Malo mo nisi fesoasoani tau tupe e aunoa ma le mautinoa e faamanuiaina la tatou talosaga.
Tatou te manaomia pea foi e faatupe le toe faaleleia o tulaga e tatau ai ma e umi se taimi e faatino ai nei galuega pe a fua i auala o le faatupeina o galuega a le Pulega.
O le a le mafai ona faatau mai fale e i le tulaga 3: o nisi e ana fanua o la feagai ma tulaga faigata ma o le a tumau pea le le mautonu o ia tagata.

E fautuaina oe ia e faitauina auiliili faamatalaga uma o i lenei faatalanoaga ma ia faailoa mai sou finagalo pe faapefea ona faia se faai’uga a le Pulega a Aukilani. O le tinoi tupe ua fuafua e faamatu’u mai, e fai lava si tele, o lona uiga e manaomia ia tatou malamalama tagata Aukilani a’o lei faia se faai’uga pe ioeina e talia pe leai foi.

Faamatalaga tāua e patino iā te oe lava;

O faamatalaga uma ua tuuina mai mo lenei talosaga o le a puipuia malu e le Puleganuu a Aukilani e tusa ai ma le Tulafono o le puipuiga malu (o loo faailoa atu i le itulau aucklandcouncil.govt.nz/privacy faapea i faletusi ma ofisa tutotonu) ma le Tulafono o Puipuiga malu 2020. O lenei tulafono ua faamatalaina atu ai le faaaogāina ma le faailoa atu o ni faamatalaga totino e uiga i ni au feso‘otaiga ma le puleganuu, ma le auala e mafai ona e maua ma faasa‘o ai nei faamatalaga. E tatau ona e faitau manino i lenei tulafono a o le‘i lafoina atu lau pepa faatumu.